Plantun de Prouvènço

Pèr coumpara dos planto d'encò nostre

Teucrium lucidum & Abies pinsapo

Teucrium lucidum

Lamiaceae Labiaceae

Nom en français : Germandrée brillante.

Descripcioun :
Lou calamandrié-lusènt sèmblo proun à l'erbo-dóu-pichot-chaine. Pamens èi mai grand, sènso péu (aleva sus li petalo), emé de fueio lusènto. La fueio peréu èi pas descoupado dóu meme biais. Trachis dins li relarg ensouleia de roucaio, roucas de basso e mejano mountagno.

Usanço :
Couneissèn pas d'usanço particuliero pèr aquelo planto. Ei bessai vertuous dóu meme biais que lou pichot-chaine. Escriéure au site se n'en sabès mai.

Port : Pichoto planto lignouso
Taio : 20 à 60 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Teucrium
Famiho : Lamiaceae
Famiho classico : Labiaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Mountagno mejano - Esboudèu - Roucaio
Estànci : Subremediterran à Subaupen
Couroulougi : Pancaro entresigna
Ref. sc. : Teucrium lucidum L., 1759

Sapin(-d'Andalousìo)

Abies pinsapo

Pinaceae

Àutri noum : Sap, Sapino, Sapi, Abet.

Noms en français : Sapin d'Andalousie, Pinsapo.

Descripcioun :
Lou sapin-d'Andalousìo trachis naturalamen en Espagno e au Marrò. Au nostre es esta planta pèr lou rebouscage. Sèmblo à nosto sapino, Abies alba, pamens li fueio soun estacado tout à l'entour de la ramo coume uno brosso o un escoubihoun dóu meme biais que la serento. Lou bout di fueio soun un pau pougnènt e li bourroun resinous. Coumpara emé lou sapin dóu nostre e emé la serento que li pigno pendoulon.

Usanço :
Dèu agué li mémis usanço que la sapino.